قانون العمل الغير رسمي فى مجال البناء والمقاولات

يتحدث الكثيرون عن الرأسمالية المتوحشة وأنياب رجال الأعمال.. لربما لم يتعامل هؤلاء مع العامل المصري.. وخاصةً فى مجال البناء.. إن هذه الفئة من عمال مصر قد إلتهمت الرأسمالية إلتهاماً.. وإليك بعض الإرشادات إذا أردت أن تقتحم هذا المجال أو بمعنى أصح إذا أردت أن يقتحمك هذا المجال: 

Why June 30th might have been a blessing for the MB

I’ve had many discussions regarding the following arguments, with people whose understanding of Egyptian politics I respect. They all disagreed with my views below.

Maybe June 30^th and the removal of Morsi was more in the advantage of the MB than we might like to think. Let’s look at it this way, what June 30^th did to them is the following:

ده حمادة وده حمادة تاني خالص

إزدواجية المبادئ عندنا فى مصر جزء من ثقافتنا التى نعنز بها.. كل واحد فينا قادر إنه يسمح لنفسه بحاجات ويمنعها هي هي عن الناس التانية.. طبعاً الإخوان هما ملوك الإزدواجية بس الصراحة كلنا عندنا نفس المشكلة.. حاديكوا أمثلة:

ما بعد 30 يونيو

الموضوع معقد جداً..

الإخوان فشلوا تماماً فى إدارة الدولة وفشلوا بنفس القدر فى إدارة الساحة السياسية وحاولوا السيطرة على كل مؤسسات الدولة الرسمية والغير رسمية لصالحهم.. وتخيلوا إنهم ممكن لو تحركوا بسرعة إنهم يسحبوا السجادة من تحت كل القوى الآخرى الموجودة على الأرض. 

تمرد قدرت فى وقت بسيط جداً إن تعمل حراك إجتماعي قوي وخلق أمل عند قطاعات عريضة من الشعب. حالة الغضب عند الناس لها سببين رئيسيين أولهم الإحساس بالخيانة من الإخوان بعد ما الناس إنتخبتهم لأنهم "يعرفوا ربنا" لقوا إنهم مهتمين فقط بالسيطرة على الدولة وفى كل مرة إختاروا إنهم يواجهوا مطالب الشعب بالتحدي سواء على المستوى الأصغر – مثل الإحتجاجات العمالية – أو على المستوى الأكبر – مثل قضية الدستور. وثانياً لأنهم فشلوا إدارياً وكانت النتيجة كل المشاكل إللى إحنا شايفنها من بنزين لكهرباء.إلخ.. وحتى لو كانت دي مشاكل موروثة فتعاملهم مع الأزمات ما كانش أحسن من النظام السابق. 

المشكلة إن تمرد حركة أساسها ضد الإخوان وليس أساسها إصلاحي وبالتالي إنضم لها كل إللى عنده أمل فى مستقبل أفضل وإنضم لها أيضاً قطاعات عندها تطلعات سياسية وعندهم النية إنهم يحاولوا يركبوا الموجة الجديدة من الثورة. ودي من أكبر غلطات الإخوان - إنهم خلقوا عداوات مع جميع القطاعات بحيث إنه مستحيل إنهاردة تعرف مين إللى ضد الإخوان حباً فى مصر ومين ضدهم طمعاً فى سلطة. وإنهاردة بعد هذه التظاهرات أصبح واضح إن محمد مرسي مستحيل يكمل فى الرئاسة بالشكل ده. كل قوى المجتمع حا تشغتل ضده ولو حاول الإسلاميين اللجوء إللى العنف دفاعاً عن مرسي حا يقلبوا قطاعات أكبر من الشعب ضدهم والمؤكد إن الجيش حا ينزل فى هذه الحالة ومش فى صف الإخوان. المعركة دي شبه محسومة. 

ولكن المشكلة الأكبر فى الوقت الحالي هي إن القوى المختلفة سواء كانوا الإسلاميين أو المعارضة أو الجيش مش شايفين إمكانية التعايش السلمي بين الأطرالف. كل طرف شايف إن وجود القوى الأخرى بيهدد وجوده وبالتالي كل طرف منهم هدفه الأساسي هو إنه يمحو القوى الأخرى أو يطوعها لخدمته.. وده مستحيل.. لأن كل طرف حجمه أكبر من إنه يتم إبتلاعه.. وباللتالي مافيش حل للموقف ده بدون توافق كل القوى. لأن كل واحدة منها قادرة لوحدها إنها تخربها وولا واحدة منها قادرة لوحدها على إنها تشيل الليلة.

الإخوان على مدار السنتين إللى فاتوا رفضوا التفاهم مع أى طرف. وإللى حا يقوللي حوار وطني حا ديله بقيت حسابه وأروحه. الإخوان رافضين التعامل مع أى قوى وشوية التفاهمات إللى عملوها كانت مع القوى الإسلامية بغرض الخروج من مرحلة أو أخرى وإنتهوا عامةً بالتنصل من هذه القوى بعد إنتهاء المصلحة. ويمكن أهم شئ إنهاردة هو إن الإخوان يفهموا إنهم مش لوحدهم فى البلد ولكن إللى أهم هو إن كل القوى المختلفة تفهم إنهم برضه مش لوحدهم فى البلد وإن إللى فى رابعة العدوية مصريين وإللى فى التحرير مصريين والبلد ما ينفعش تقوم على قمع أى مصري.

لسه مش قادر يكون عندي موقف صريح من "تمرد" و30 يونيو..

لأن من ناحية.. مرسي أداءه السياسي والإقتصادي والإجتماعي زي الزفت.. والإخوان فاشلين فشل توشكي وأثبتوا لنا إنهم بيلبسوا البلد فى الحيط على جميع الأصعدة.. ما بين إنعدام الكفاءة والغباء وسوء النوايا النتيجة كارثية.. وكل يوم جديد معناه تدهور أكتر لمصر فى جميع المجالات وبالتالي إستمرار الحال بالشكل ده معناه إن الدولة حا تنهار فى وقت قصير جداً وماينفعش نستنى 3 سنين كمان. والصراحة مرسي والإخوان قفلوا كل الأبواب لأن يكون فى طرق قانونية للشعب إنه يضغط عليهم لتعديل أدائهم أو محاسبتهم. القرارات بياخدوها ناس مش منتخبين – إللى هما مكتب الإرشاد - وما عندناش طريقة لمحاسبتهم على فشلهم. وفي كل مرة كان فى مطالب للشارع أو للقوى الثورية أو لأعضاء المؤسسات ، كانوا الإخوان بيقرروا يعندوا ويمشوا الدنيا بطريقتهم إبتداءً من الإعلان الدستوري الغير دستوري لتعيين النائب العام للهجوم على القضاء لتغيير رئيس الوزراء الفاشل. وطبعاً تعديل قانون الإنتخابات بحيث إنهم يخدمهم والإصرار على تمريره بالرغم من رفض المحكمة الدستورية له وتأجيل إنتخابات مجلس الشعب وبالتالي سايبين مجلس الشورى بتاعهم هو إللى متحكم فى كل التشريعات. وبنفس المنطق بتاع السيطرة، مصرين على تمرير قانون الجمعيات الأهلية بشكل يشل حركة المجتمع المدني ويخليهم هما المتحكمين فيه تماماً. وأخيراً تصميم جلسات الحوار الوطني بحيث إنها تخدم أغراضهم وتبين إن المعارضة متفقة معاهم فى محاولة لإضفاء شرعية غير حقيقية على قراراتهم. والنتيجة هي إن الإخوان قفلوا جميع الأبواب أمام التافهم القانوني معاهم ومش سايبين غير الشارع كسبيل للضغط عليهم وحتى ده مش راضيين يقبلوه ويغيروا سياستهم. ده طبعاً غير إستخدام كل وسائل القمع اللى كان بيستعملها مبارك وعلى رأسها الفتن الطائفية والإرهاب الفكري عن طريق قضايا إزدارء الأديان لإسكات المعارضة والتلاعب فى السلع لكسب رضاء الناس أو لتخويفها ووضع مدنيين فى مواجهات مع مدنيين. يعني كل كلاسيكيات النظم الديكتاتورية القمعية. وأخيراً أنا مش معترف بشرعية مرسي من ساعة ما أصدر الإعلان الدستوري وضرب بعرض الحائط نفس المنظومة الديمقراطية (إستفتاء مارس) إللى هو بيحاول يفهمنا إنها بتحمي شرعيته. 

ولكن من الناحية التانية عندنا كذا مشكلة.. أهمها إن إحنا عارفين وإتعلمنا إن الثورة أو التحرك الشعبي إللى ماعندوش رؤية واضحة وقيادات قادرة على المفاوضة بتنتهي بإن الثورة بيركبها حد تاني.. والمشكلة التانية هي إن التحدي الحقيقي مش في تغيير أشخاص ولكن فى تغيير منظومة.. وطلب رحيل مرسي معناه إن حا يجييلنا حد جديد بس.. وده مش معناه إن النظام إتغير أو إن إللى حا يجي حا يحترم طلبات الشعب.. وبالتالي كل إللى إحنا بنعمله هو إن إحنا بنأجل الخطوة الأهم وهي تغيير المنظومة.. طبعاً فاهم إن تغيير المنظومة شبه مستحيل مع وجود الإخوان فى الحكم بالشكل ده ولكن ده برضه مش بيغير الواقع وهو إن إحنا لغاية دلوقتي بنطالب بتغيير أشخاص.. طبعاً أنا فاهم الدلالة بتاعت الثورة على أى نظام قمعي فوقي ديكتاتوري.. وأهمية "دبح القطة" عشان الرئيس إللى بعده يخاف.. بس ما إحنا عملنا كده مع مبارك وجالنا إللى أوحش منه ولم يتعظ ولم يتعلم الدرس بأى شكل من الأشكال.. والصراحة خايف إن إحنا نكون داخلين على فترة إنتقالية جديدة مش حا تختلف فى حاجة عن الفترة إللى قبلها لأن الرؤية منعدمة بنفس الشكل بالظبط.. وأخيراً أنا مش شايف إن لا الإخوان حا يختفوا من الساحة ولا إن المطلب المفروض يكون إنهم يختفوا من الساحة.. لازم الفكر يكون وضع قواعد لدولة بتقبل كل المواطنين بدون إرهاب لأى فصيل إجتماعي أو إقتصادي أو سياسي أو فكري أو أديولوجي أو.. أو.. أو.. وبالتالي الدعاوي للتخلص من الإخوان لا هي منطقية ولا هي مطلوبة..

خلاصة الكلام.. مرسي ما ينفعش يكمل بهذا الشكل.. ولكن الشكل المطروح فى رأيي مش حايجيب نتيجة إيجابية حتى لو نجح فى إنه يزيح مرسي من الرئاسة..

كان نفسي

أول ما الثورة قامت كنت مبسوط.. كنت شايف إن مصر حا تتغير.. إن كل الحاجات الوحشة حا تختفي.. كنت شايف إن الناس إللى كل واحد فيهم كان عايش فى قوقعة لوحده إبتدوا ينفتحوا على بعض.. الناس من الطبقات المختلفة بيتكلموا مع بعض.. كنت شايف إن إحنا حا نبقى شعب واحد بجد وحا نتخلص من عادتنا إن إحنا نحكم على بعض من بعيد.. كنت شايف إن الظلم إللى كان واقع علينا كلنا بأشكاله المختلفة حا يختفي وإن مش ممكن إللى إتظلم يكون قادر إنه في يوم من الأيام يظلم حد..

كنت حاسس إن لأول مرة كلنا بنفكر لمصلحة البلد وكل واحد بيتمنى للناس التانية الخير.. الغني شاف الفقير وعرف بيعاني من إيه.. والمسيحي فهم حجم الإضطهاد إللى السلفي كان بيعاني منه.. والمسلم فهم حجم التهميش إللى المسيحي شافه فى حياته.. والفقير عرف إن الغني مش عايزه يعاني بالشكل ده.. 

Are the MB going to fall soon?

As a socially liberal person, my biggest fear was that the Muslim Brotherhood would succeed in gaining popularity on the ground which they will later on use as a basis to limit freedoms and abolish democracy. I thought that they would in the first 100 days take a number of populous decisions designed only to increase their approval and give them the necessary grounds. After those first 3 months, I realized that the MB were somewhere else altogether. It became obvious to me that Morsi put little or no weight on his popularity. The MB were only interested in gaining control of the state, even at the expense of their approval ratings. It is pretty much the same strategy they’ve always used, a series of quick actions without a global plan. They move from stage to the next and then improvise. So far, it seems to have worked for them but can they sustain this strategy for long?

Many people would like to think that the MB will eventually crash. But I think that there might be another scenario.The first scenario, which predicts that MB will fall in the near future, is based on the following assumptions:

الإخوان ونظرية المؤامرة

الإخوان طول النهار والليل طالعين علينا بنظرية المؤامرة.. شوية بتكون الفلول.. وشوية جبهة الإنقاذ.. والتمويل جاي مرة من إيران ومرة من دول آخرى أجنبية تريد زعزعة الأمن فى مصر..